உன் விழியில் என் முகம்பார்த்து
உன் உதட்டில் என் சுவையறிந்து
உன் மார்பில் என் தலையணைத்து
ஒரு கோடி ஆண்டுகள் வாழ்ந்திட வேண்டும்
என் வாழ்நாளில் உனை இந்த
உலகம் சுற்றிக் காட்ட வேண்டும்
உன் ஆசைக் கனவு அறிந்து
அவற்றை நனவாக மாற்றிட வேண்டும்
பொன் போலே உனை நானும்
பண்ணோடு இசை அமைத்து
எப்போதும் என்னுயிர்ச் சுருதி
ஆசையாக மீட்டிட வேண்டும்
உன் மடியில் தலை வைத்து
உன் முகத்தைப் பார்த்துக் கொண்டு
என் உதட்டில் புன்னகையிட்டு - நான்
ஒரு நொடியில் சாக வேண்டும்.
இவ்வாசை என்வாழ்வில்
மாறாமல் நடந்துவிட்டால்
இவ்வுலகில் பாக்கியசாலி
எனையன்றி யாருமில்லை.
No comments:
Post a Comment