தாழ்வு மனப் பான்மை கொண்டு
தரணியில் சும்மா இருந்து விடாது
தொட்டாச் சிணுங்கி போல நாமும்
பட்டதற்கெல்லாம் சுருங்கி விடாது
தன் நகத்தை உடைத்து பட்டை தீட்டி
தன்னைத் தயார்படுத்தும் கழுகு போலே
முன்னுக்கு நாமும் வரவேண்டும்
விந்தைகள் பல படைத்திட வேண்டும்
வாய்ப்புக்களுக்காகக் காத்திருந்து - எம்
வழ்க்கைக் காலத்தைக் கரைத்து விடாது
வாய்ப்புக்களைத் தேடிச் சென்று
வரலாறு உலகில் எழுதிட வேண்டும்
"முடியாது" என்று உங்கள் மனதில்
மந்திரம் போல் உச்சரித்திருந்தால்
முடியால் தான் போய் விடும் - உங்கள்
முயற்சிகள் எல்லாம் முடிவினிலே.
"முடியும்' என்று நினைத்து நீங்கள்
முடிந்தவரை முயற்சி செய்தால்
கனியும் அந்த வேலை - உமக்கு
பாலில் பழம் நழுவியது போல்
எம்மை நாமே தாழ்த்திக் கொண்டு
எட்டி நாங்கள் இருந்து விடாது
முட்டி நாமும் முயற்சி செய்வோம்
தொட்டு விட அந்த வெற்றிக் கனிகளை
No comments:
Post a Comment